Dialuna cu a pasa Minister di Husticia Enseñansa Hulandes Ronald Plasterk. Na e bishita di orientacion aki tabata presente tambe sra.Carmen Tromp di Bureau di Minister Dowers. Minister Dowers y sra.Tromp a combersa cu Minister Ronald Plasterk diferente topico cu ta pendiente y cu ta di gran importancia pa e cooperacion entre Aruba y Hulanda riba tereno di Enseñansa.

Probechando di su estadia na hulanda, directora di Arubahuis, sra Desiree Croes a organisa un encuentro entre e studiantenan arubiano  y e mentornan cu ta guia e studiantenan y minister mr drs. Arthur Dowers.

Durante e encuentro aki e studiantenan a trece nan preguntanan y tambe nan precupacionnan.  Un di e precupacionnan mas grandi cu ta reina entre e studiantenan cu recientemente a yega hulanda ta cu nan ta sinti cu na Aruba nos ta duna suficiente informacion pa ora bai biba hulanda.  Tambe e studiantenan tabatin pregunta tocante nan studie lening y tocante cambia di studio durante cu nan ta na hulanda.  Minister Dowers a sucha e studiantenan y a tuma nota di nan precupacionnan, y a informa e studiantenan cu lo trata e precupacionnan aki cu e departamentonan concerni unabes cu e regresa Aruba.

E mentornan tambe a informa Minister Dowers  di e trabownan cu nan ta haciendo pa cu e studiantenan na hulanda. Minister Dowers a gradici e mentornan pa nan trabow  y a encurasha nan pa sigui cu e bon trabow.

Dialuna mainta Minister di husticia mr drs. Arthur Dowers a haci un bishita di trabow serca su colega  di Husticia na hulanda sr. Ernst  Hirsch Ballin. Durante e bishita aki Minister Dowers a combersa riba  varios topico cu a keda pendiente cu ta di importacia pa e cooperacion riba tereno  di hustica entre Aruba y hulanda. Tambe a accorda riba algun  punto cu lo  wordo trata  durante e  proximo tri-partite overleg  di husticia cu lo tuma lugar den luna di maart  aki na Aruba.