Diamars atardi  Cuerpo di Bombero a tene su desfile. Esaki en coneccion cu e siman annual di prevencion di cuerpo di bombero.  Minister di husticia mr drs. Arthur Dowers  hunto cu promer minister mr Mike Eman, secretaria di conseho di minister  Srta. Nicole Hoevertsz y comandante di cuerpo di bombero sr. Edward de Cuba a presencia e desfile aki ora cu esaki a pasa dilanti bestuurskantoor.  E mandatarionan a saluda e  miembronan di cuerpo di bombero y e chikitinnan cu tambe a participa den e desfile aki.

Diabierna  na centro di husticia, den presencia di familiars y demas colega, a recorda cu 4 hubilario ,  Jonathan Henriquez , Johnny Wout , Honoré Eights y Mario Werleman ta recorda cu 30 aña  y sr. Cosmo Benjamin Bikker 35 aña  pasa a huramenta como agente policial. Cada un di e hubilarionan a conta di e momentonan cu a impacta nan mas durante e añanan den cuerpo policial. Alto Comisario Dolfi Richardson  y  Minister di husticia mr drs. Arthur Dowers  a felicita cada un di e hubilarionan  y a gradici nan pa na servicio demostra na  cuerpo policial di antiyas  despues na esun di pais Aruba.  e titular di husticia  ta spera cu nan sigui desplega nan trabou manera nan e bin ta haciendo y cu nan  lo por ta  ehempel pa agentenan cu a caba di integra den e cuerpo policial arubano.  Minister Dowers a entrega cada un di e hubilarionan na landsbesluit  corespondiente.