Minister Dowers a haci entrega di certificado derecho penitenciario na trahadornan di KIA

Diamars merdia  na e centro di entrenamento di KIA situa na Balashi  a tuma lugar entrega di certificado nan empleadonan di KIA cu a sigui un curso intensivo riba derecho penitenciario.
Miembro di management team di KIA, señor Fred Wijenberg a duna danki na tur cursista cu a participa na e curso cu tabata tin un duracion di tres luna. E ta sigur cu ta necesario pa continua cu e dunamento di e tipo di cursonan asina  cu tin un importancia  grandi e tratando e derecho penitenciario dentro di KIA. E ta conciente di e grado di dificultad di e lesnan aki y cu esakinan ta wordo duna na hulandes.  
Na mes momento el a gradici sra.Carmen Tromp cu a percura pa duna e  curso aki. E ta sigur cu e curso aki lo tin su influencia significativo den un miho maneho di personal dentro di KIA. Sra. Carmen Tromp na su turno tambe a gradici e cursistanan pa e perseverancia cu nan a demostra y cu a culmina ricibiendo nan certificado.
E  curso  a trata  e reglanan y e normanan di Nacionnan Uni cu cual KIA ta trahando cune  y esunan di union europeo.
E actitud personal pa cu e trato di un preso ta den man di esunnan cu a caba di haya nan certificado. Dos aspecto cua bin dilanti tabata e Derechonan y e Posicion Huridico di un preso.
E grupo specifico aki ta responsabel di e derecho fundamental y e  derechonan huridico cu un preso ta ricibi.
Minister Dowers  a enfoca riba e formacion y crecemento di un trahado dentro di su trabou.
Ora bo ta cuminsa den un trabou bo ta ripara cu leyanan ta cambia y locual antes tabata bon, ya no por mas y bo mester haci e cambionan necesario pa cu bo trabou pero tambe dentro dibo desaroyo personal.
Lesnan cu nan a haya ta cuadra cu e leynan nobo. Adaptacion ta necesario pa por hiba un bon maneho.
E grupo aki cu ta hefe den nan trabou lo percura pa educa esunnan cu ta cay bou di nan. Locual nos ta yama"train the trainers. Den futuro lo percura pa bin cu mas curso. Nos meta, segun Minister Dowers ta pa prepara nos hendenan pa sigui cu nan desaroyo dentro di nan area di trabou.

   Ela gradici e cusristanan pa nan logro y pa e trabou cu nan ta desplega tur dia na KIA.