Charla  encuanto problematica di droga na Aruba

Prome di December Minister Dowers a atende e charla di FADA, cu a tuma luga den aula di Universidd di Aruba.
Sr. Diaz e persona encarga pa ehecuta e encuesta a hiba palabra.
E encuesta a envolvi tur estudiante akin a Aruba cu ta bishita un scol secundario, nos ta papia aki di un populacion escolar di 8296 alumno.
E meta di e encuesta tabata e problema di droga y alcohol entre nos hubentud.
E Minister di salubridad anterior, Minister Visser ta e persona cu a duna e tarea aki, cual a wordo haci entre 2011 – 2012.
E resultado a wordo describe den tres rapport cu e titulo: Scol – Fundacion- Choller.
Awe a toca e turno di Scol.
E edad di e alumnonan tabata varia di entre 12 pa 19 aña die dad. Na EPI tabata e alumnonan di edad mas halto. 
Di e totalidad di alumno cu a participa un 75.8% ta naci na Aruba y un 90.2% tin e nacionalidad Hulandes.
Ta remarcabel cu un 90% di e populacion di scol a experencia cu droga y tin cu hasta na un edad di 4 aña a experencia kico ta alcohol. Uzo di alcohol ta mas grandi cu e uzo di droga. E uzo di alcohol ta wordo mas stimula dentro di e fiestanan di famia y e uzo di droga tin di haber mas cu momentonan di stress.
Hopi situacion den famia ta haci cu e studiante ta mas vulnerabel pa e uzo di alcohol. For di e encuesta a bin sali afo cu situacionnan manera desempleo, violencia domestico, peleanan constante y mayornan cu nan mes ta uza alcholo y of droga.
Un factor cu sigur lo yuda e hoben ta e caminda spiritual, amor pa e yiu y tin un bon relacion cu e yiu di parti di e mayornan. Un 8.57% no tin of masha tiki actividad spiritual.
E encuesta tambe a demostra cu e contacto social ta stimula pa uza droga.
Manera sr. Diaz mes a bisa:” Tur mucha mester di tin contacto social, pero net e contacto social ekiboca por trece hopi risico cu ne, cual  despues lo por bira un uzado di droga problematico.  Un otro hecho a bin dilanti di e encuesta ta cu e hobennan mes a expresa cu nos sociedad no ta critico.
For di e mas o menos ocho mil studiante cu a participa na e encuesta aki tin e risico cu entre dos pa tres mil hoben por bira alcoholico of drogadicto.
Minister Dowers a mustra hopi interes pa e charla y no a laga di haci pregunta riba e topico interesante aki. Prevencion di droga y alcohol ta cay bou di su Ministerio y den e siguiente cuatro añanan sigur e lo haci tur cos den su alcanse pa mehora e situacion aki.

E encuesta conduci pa sr. Diaz no solamente a capta tur atencion di Minister pero tambe a haya su admiracion pa e forma con e encuesta a wordo haci, ademas  e informacion cu a sali fo di e encuesta cu ta hopi relevante pa bin cu un bon y structura maneho riba e problematica aki. Un maneho cu mester haya apoyo di mayornan, scol y sociedad.