Minister Dowers presente na actividad di Consulado di Colombia  “ Bin Hunga Cumi”

Bou di e titulo aki Consulado di Colombia a organisa un dia di wega pa tur mucha aki na Aruba.
Mainta el a cuminsa cu un caminta cu a sali for di Consulado pa Plaza Betico Croes. E caminata a wordo guia door di  Payaso Willi cu a alegra e caminata. Como algo unico tabata tin tambe un cashí cuenta (poppenkast)  riba un pick up cu tabata anima cu cantica y jokes pa e muchanan sigui cana,.
E musica no tabata falta y a bira un mini jump up.
Na yegada na Plaza Betico Croes tur mucha y hende grandi a haya awa of refresco y e consul a duna inicio na e weganan popular di Colombia.  Benta di cuminda dushi a percura pa e stomanan a keda yen.
Minister Dowers a haci acto di presencia y e tambe a participa na e weganan. Esaki a trece admiracion no solamente cerca e muchanan pero tambe cerca e adultonan pa su agilidad y alegria, ya cu e tambe a corda tempo cu e tabata mucha.
E titular di husticia  a pasa un rato hopi ameno entre e muchanan y a felicita e consul sra. Gnecco Pla pa e iniciciativa cu el a tuma pa nos muchanan di Aruba.