Minister Dowers presente na apertura  di workshop ofreci pa cuerpo policial

Diamars mainta minister Dowers tabata presente na e apertura di e curso di Cuerpo Policial tocante informacion. E importancia di haya informacion dentro di Cuerpo Policial ta forma un gran parti  di e trabou di polis
E seguridad di un pais ta depende di e tipo di informacion corecto cu polis ta haya. Con bo ta determina kico ta informacion importante, con bo ta acumula, comparti y  clasifica e informacion cu bo a ricibi como polis.
Esaki ta forma e puntonan di salida di e curso specifico aki. Tur trahado, den e caso aki polis, mester ta conciente con pa deal cu informacion.
Un punto di salida nobo ta con bo ta mantene informacion importante dentro di cuerpo policial. Riba esaki ta wordo duro traha pa medio di curso y na mes momento crea un infrastructura den nos cuerpo
Hopi bes tin critica den comunidad cu tin hopi cos conoci, pero cu polis mes no sa.
Un experto di RST di Hulanda ta encarga pa duna e curso ken lo expone su experticio na nos cuerpo di polis cu e intencion tambe pa intercambia di idea. Den futuro lo haci uzo di mas experto riba otro tereno cu un solo meta: combati fuertemente criminalidad den nos comunidad