Polis di Sint Maarten ta certifica e cachonan di polis segun ehempel di Aruba.

Diabierna dia 9 di november na warda di polis di Sint Maarten dos acompañantes di e cachonan di polis  a ricibi nan certificado for di man di Ministro di Husticia, señor Richardson.  Di e forma aki Sint Maarten ta sigui e regla di certificacion segun a wordo desaroya door di e Ministro di Husticia di Aruba, Mr. Drs. A.L. Dowers.
Ambos Minister di Husticia conhuntamente lo firma e certificadonan. Esaki ta nifica cu tanto  e acompañantenan como e cachonan tanto di Sint Maarten  como di Aruba mester cumpli cu e mesun exigencianan di nivel hopi halto y na mes momento nan lo por asisti otro, si esey ta e caso.
Aruba for di 2011 tin un papel influyente dentro di e area Hulandes Caribense  ora ta trata e uzo di cachonan pa polis y cu Sint Maarten awo tambe ta hacie ta mustra cu Aruba a introduci e cachonan di polis na un forma exitoso. Mas ainda cu e awo e reglamentonan pa cacho di polis ta ariba e agenda  2014 di e College di Korpschefs  dentro e area Hulandes Caribense. Aruba ta dispuesto pa keda hunga un rol prominente den esaki. E academia K-9  di Aruba ta un consecuencia directo di e mision di Minister A.L. Dowers. E academia a desaroya e reglanan, e entrenamento di e cachonan y di nan guiadonan y tambe ta percura pa examina y certifica den combinacion di nivel halto. Na september un comision di Hulanda cu ta percura pa controla e cuido di calidad a afirma cu e academia K-9 ta riba e bon caminda. E siguiente certificacion ta planea pa januari 2014, ora ta toca turno pa keur e di dos aña di e cachonan di KPA.